کونړ کې د ۲۳ لوبډلو ترمنځ د ټېپ بال کرېکټ سیالۍ پای ته ورسېدې
د کونړ ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت مرکز اړوند څاګي سیمه کې د ۲۳ لوبډلو ترمنځ د ټېپ بال کرېکټ سیالۍ د څاګي بازانو لوبډلې په اتلولي پای ته ورسېدې.
د یادو سیالیو پایلوبه د غازي آباد پړانګانو او څاګي بازانو لوبډلو ترمنځ ترسره شوه. د لوبې پچه څاګي بازانو لوبډلې وګټله او لومړی یې توپ وهنه وکړه، چې په ټاکلو اتو اورونو کې یې د پنځو ویکټو په زیان خپلې سیالې لوبډلې ته د ۱۱۱ منډو هدف وټاکه. غازي اباد پړانګانو لوبډلې د هدف په تعقیب کې د ټولو ویکټو په زیان ۶۵ منډې وکړې او د ۴۵ منډو په توپیر یې لوبه وبایلله.
دا سیالۍ د ځوانانو ترمنځ د یووالي او ورزش ته د ځوانانو د هڅولو په موخه ترسره شوې، چې یوه میاشت یې دوام وکړ.
