کونړ؛ څوکۍ ولسوالۍ کې د شل لوبډلو ترمنځ د ټېپ بال کرېکټ سیالۍ پیل شوې
د کونړ ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په څوکۍ ولسوالۍ کې د شل لوبډلو ترمنځ د ټېپ بال کرېکټ اختریزې سیالۍ پیل شوې.
د یادو سیالیو لومړۍ لوبه د کلمانۍ او کوټکي لوبډلو ترمنځ ترسره شوه. د لوبې پچه کلمانۍ لوبډلې وګټله او لومړی یې توپوهنه وکړه، چې په ټاکلو لسو اورونو کې یې د درېیوو ویکټو په زیان خپلې سیالې لوبډلې ته د ١٢٤ منډو هدف وټاکه. کوټکي لوبډلې د هدف په تعقیب کې د شپږو ویکټو په زیان ٧٦ منډې وکړې او ٤٧ منډو په توپیر یې لوبه وبایلله.
دا سیالۍ د لوی اختر د لمانځلو په موخه پیل شوي دي، چې شل ورځې به دوام وکړي.
