کونړ؛ مرکز اسعداباد کې د ۲۲ ورزشکارانو ترمنځ د کراټې سیالۍ وشوې
د کونړ ولایت د بدني روزنې او ورزش امریت په همکارۍ د کراټې فدراسیون د ځایي استازولۍ له لوري د دې ولایت د مرکز اسعد اباد اړوند کرهالې پارکې د ۲۲ ورزشکارانو ترمنځ د کراټې سیالۍ وشوې.
دا سیالۍ، چې موخه یې د ورزشکارانو تشویق او هڅول و، یوه ورځ یې دوام وکړ.
د یادو سیالیو په پای کې غوره ورزشکارانو ته مډالونه او ستاینلیکونه هم ورکړل شول.
