کندهار کې د ۶۲ ورزش کارانو ترمنځ د قوت الرمي ټاکنیزې سیالۍ ترسره شوې
د کندهار ولایت د بدني روزنې او ورزش ریاست اړوند د رزمي سیالیو فدراسیون د استازولي له لوري د یاد ولایت په غازي محمد ایوب خان لوبغالي کې د کندهار له ټولو کلپونو څخه د ۶۲ ورزش کارانو ترمنځ د نویو ځوانانو، ځوانانو او مشرانو ورزش کارانو په عمري کټګوریو کې د قوت الرمي ټاکنیزې سیالۍ ترسره شوې.
د یادو سیالیو په پایله کې اته تنه د مشرانو له کټګوري، شپږ تنه د ځوانانو له کټګوري او پنځه تنه د نویو ځوانانو له کټګوري څخه د کندهار ولایت د قوت الرمي ټاکنیزې لوبډلې ته وټاکل شول.
یادې سیالۍ د کندهار ولایت د قوت الرمي ټاکنیزې لوبډلې ته د غوره لوبغاړو د ټاکلو په موخه ترسره شوې، چې یوه ورځ یې دوام وکړ او په پای کې ګټونکو لوبغاړو ته مډالونه او د اتلولي حکمونه ورکړل شول.
