کندهار کې د ۵۴ ورزشکارانو ترمنځ د قوت الرمي ټاکنيزې سيالۍ وشوې
د کندهار ولايت د بدني روزنې او ورزش رياست اړوند د قوت الرمي فدراسيون د استازولۍ له لوري د ياد ولايت په مرکز کې د شپږو کلبونو د ۵۴ ورزشکارانو ترمنځ د قوت الرمي منتخبې لوبډلې ته د غوره ورزشکارانو ټاکلو په موخه د قوت الرمي ټاکنيزې سيالۍ وشوې.
په دغو سیالیو کې د کندهار ښار له شپږو کلبونو څخه ۵۴ ورزشکارانو گډون کړی وو، چې په پايله کې ۱۷ تنه غوره ورزشکاران د کندهار قوت الرمي منتخبې لوبډلې ته وټاکل شول او همدارنگه د کلبونو په کچه جهاني کلب لومړی، سعادات کلب دويم او ذوالفقار کلب بيا درېيم مقام ترلاسه کړ.
يادو سياليو يوه ورځ يې دوام وکړ او په پای کې گټونکو ورزشکارانو ته مډالونه او ستاينليکونه ورکړل شول.
