کندهار کې د اتو ښوونځيو ترمنځ د ټاپي جام په نوم د فوټبال سيالۍ پيل شوې
د کندهار ولايت د بدني روزنې او ورزش رياست له لوري د کندهار ښار په غازي محمد ايوب خان ورزشي لوبغالي کې د اتو غوره لوبډلو ترمنځ د "ټاپي جام" په نوم د فوټبال سيالۍ پيل شوې.
په يادو سياليو کې د حاجي نیکه، میرویس خان نیکه، احمد شاه بابا، تجربوي، فاضل کندهار ، تیمور شاهي، عبدالطیف او عبدالاحد کرزي ښوونځيو لوبډلو گډون کړی، چې په لومړنۍ لوبه کې حاجي نيکه لوبډلې خپلې سيالې عبدالاحد کرزي لوبډلې ته د ۱ پر صفر گول په توپير ماتې ورکړه او بريا يې په خپل نوم کړه.
د يادولو وړ ده، چې دغه سيالۍ به شاوخوا يوه مياشت دوام وکړي.
