کندز کې د ۶۰ تنو پهلوانانو ترمنځ د کورش سيمه ييزې سيالۍ ترسره شوې
د کندز ولايت د بدني روزنې او ورزش رياست اړوند د کورش فدراسيون د استازولۍ له لوري د کندز ښار په سپين زر ورزشي لوبغالي کې د ۶۰ تنو پهلوانانو ترمنځ د کورش سيمه ييزې سيالۍ ترسره شوې.
دغه سیالۍ، چې يوه ورځ يې دوام وکړ، په پايله کې ۳۰ تنو پهلوانانو خپلو سيالانو ته په ماتې ورکولو سره برياوې خپلې کړې.
د يادونې وړ ده، چې د دغو سياليو د ترسره کېدو موخه د پهلوانانو جسمي وړتيا لوړول او د يوې سالمې تفريح برابرول وو او په پای کې غوره پهلوانانو ته چمتو شوې ډالۍ ورکړل شوې.
