کندز کې د ۵۰ تنو پهلوانانو ترمنځ د سيمه ييزې پهلوانۍ ازادې سيالۍ ترسره شوې
د کندز ولايت د بدني روزنې او ورزش رياست اړوند د کورش فدراسيون د استازولۍ له لوري د ياد ولايت په مرکز سپين زر ورزشي لوبغالي کې د ۵۰ تنو پهلوانانو ترمنځ د سيمه ييزې پهلوانۍ ازادې سيالۍ ترسره شوې.
دغه سیالۍ چې ورزش ته د ځوانانو هڅولو او سالمې تفريح موخه ترسره شوې، په پايله کې ۲۵ تنو پهلوانانو خپلو سيالانو ته په ماتې ورکولو برياوې خپلې کړې.
