کندز کې د بزکشۍ سیالۍ وشوې
د جمعې ورځې اوونیزو لوبو په دوام کې تېره ورځ کندز کې د بزکشۍ سیالۍ وشوې.
په دغو سیالیو کې د کندز ولایت چاپندازانو او د تخار اشکمش ولسوالۍ پاپندازانو برخه اخیستې وه.
یادې سیالۍ د کندز ولایت ورزشي امریت لخوا د بزکشۍ «سردوره» ورزشي لوبغالي کې جوړې شوې وې، چې د خط او بیرغ په بڼه وشولې.
مسوولینو د دغو لوبو موخه د هېواد په کچه د بزکشۍ لیګ درېیم پړاو ته تیاری ښودلی دی.
د دغو لوبو په پای کې د لوبو غورهلوبغاړي ونومول شول. لومړی مقام شبیر اشکمشي د تمیم مرادري په اس، دویم شبیر پهلوان د یعقوب اخندزاده په اس او درېیم مقام سیدال پهوان د رییسولي په اس وګاټه.
یاده دې وي چې غورهلوبغاړو ته د بزکشۍ فدراسیون رییس فهیم صافي لخوا ډالۍ ورکړل شوې.
