کندز؛ چهار درې ولسوالۍ کې د شپږو لوبډلو ترمنځ د والیبال سیالۍ پای ته ورسېدې
د کندز ولایت د بدني روزنې ریاست اړوند د والیبال فدراسیون د استازولۍ له لوري د ياد ولايت په چهاردرې ولسوالۍ کې د شپږو لوبډلو ترمنځ د والیبال سیالۍ د قلعه زال لوبډلې په اتلولي پای ته ورسېدې.
د یادو سیالیو پایلوبه کې قلعه زال لوبډلې د ٣١ پر ١٣ نمرو په توپیر خپلې سیالې خان زاخېل لوبډلې ته ماتې ورکړه او اتلولي یې وګټله.
دا سیالۍ والیبال ورزش ته د ودې ورکولو په موخه ترسره شوې، چې یوه شپه یې دوام وکړ.
