کندز؛ په قلعه زال ولسوالۍ کې د ۶۰ پهلوانانو ترمنځ د کورش پهلوانۍ سيالۍ وشوې
د کندز ولایت د بدني روزنې او سپورت ریاست، کورش فدراسیون استازولۍ او د قلعه زال ولسوالۍ ورزشي کمېټې په ګډه همغږۍ، دیادې ولسوالۍ په ینگی آرق ورزشي لوبغالي کې د کندز ولایت په کچه د ۶۰ پهلوانانو ترمنځ د کورش پهلوانۍ سیالۍ ترسره شوې.
دغه سيالۍ چې يوه شپه يې دوام وکړ، په پای کې ٣٠ تنو ورزشکارانو خپلو سیالانو ته په ماتې ورکولو سره بریاوې خپلې کړې .
هېره دې نه وي چې د یادو سیالیو موخه ورزش ته د ځوانانو هڅول، په لرې پرتو سیمو کې د کورش عنعنوي لوبې دود کول او د خلکو لپاره د یوې سالمې تفریح چمتو کول یاد شوي دي.
