کندز؛ په قلعه زال ولسوالۍ کې د ۱۰۰ چاپندازانو ترمنځ د وزلوبې سیالۍ ترسره شوې
د کندز ولایت د بدني روزنې او ورزش ریاست اړوند د وزلوبې،نيزه وهنې او سيمه ييزو لوبو ملي فدراسیون د استازولۍ له لوري د ياد ولايت د قلعه زال ولسوالۍ په صالح اباد سیمې ورزشي لوبغالي کې د ۱۰۰ چاپندازانو ترمنځ د وزلوبې سيالۍ ترسره شوې.
د دغو سياليو په پايله کې د ميدان حکم له لوري دوه اخرالاقه اعلان شول،چې لومړۍ اخرالاق د نورمحمد اندرابي پهلوان له لوري د ملک افغان په آس او دويم اخرالاق د سرور پهلوان له لوري د حاجي نورالله ناظري په آس تر حلالې دايرې ورساوه او سياليو ګټونکي شول.
د يادو سياليو موخه راتلونکو سياليو لپاره د چاپندازانو چمتو والی او د دې ولسوالۍ وګړو ته د يوې سالمې تفرېح برابرول وو،چې دوه ورځي يې دوام وکړ.
