کندز؛ علي اباد ولسوالۍ کې د ۵۸ کورشکارانو ترمنځ د کورش سیالۍ ترسره شوې
د کندز ولایت د بدني روزنې او ورزش ریاست اړوند د کورش ملي فدراسیون او د علي اباد ولسوالۍ ورزشي کمېټې له لوري د یادې ولسوالۍ په سید احمد کلي کې د ۵۸ کورشکارانو ترمنځ د کورش سیالۍ ترسره شوې.
د دغو سیالیو په پایله کې ۲۹ کورشکارانو خپلو سیالانو ته ماتې ورکړه او د ډالیو ګټونکي شول.
د یادو سیالیو موخه ملي او سیمه ییزو لوبو ته وده ورکول او خلکو ته یوه سالمه تفرېح برابرول و، چې یوه ورځ یې دوام وکړ.
