کندز؛ امام صاحب ولسوالۍ کې د اتو لوبډلو ترمنځ د واليبال شپنۍ سيالۍ وشوې
د کندز ولايت د بدني روزنې او ورزش رياست په همکارۍ او د واليبال فدراسيون د استازولۍ له لوري د امام صاحب ولسوالۍ په قره ترکمن کلي کې د اتو لوبډلو ترمنځ د واليبال شپنۍ سيالۍ د خان زاخېل لوبډلې په اتلولۍ پای ته ورسېدې.
د دغو سياليو په پايلوبه کې خان زاخېل لوبډلې خپلې سيالې موج های آمو لوبډلې ته د ۳۱ پر ۲۵ امتيازونو په توپير ماتې ورکړه او اتلولي يې وگټله.
د يادو سياليو موخه ورزش ته د ځوانانو هڅول او د دې ولسوالۍ وگړو لپاره د سالمې تفريح برابرول وو، چې يوه شپه يې دوام وکړ.
