کاپیسا؛ کوهستان حصه اول ولسوالۍ کې د ۳۰ ورزشکارانو ترمنځ د پانکريشن سيالۍ ترسره شوې
د کاپيسا ولايت د بدني روزنې او ورزش امريت اړوند د پانکريشن ملي فدراسيون د استازولۍ له لوري د ياد ولايت په کوهستان حصه اول ولسوالۍ کې د ۳۰ ورزشکارانو ترمنځ د افغانستان ا.ا د بيا واکمنېدو د درېيمې کليزې په وياړ د پانکريشن سيالۍ ترسره شوې.
دغه سيالۍ د تک فايټ په ډول د تنکيو ځوانانو، نويو ځوانانو او ځوانانو په عمري کټګوريو او بېلا بېلو وزني کټګوريو کې ترسره شوې، چې له ۳۰ ورزشکارانو له ډلې ۱۵ ورزشکارانو لومړی او ۱۵ ورزشکارانو دويم مقام ترلاسه کړ.
د سياليو په پای کې غوره لوبغاړو ته مډالونه، اتلولۍ حکمونه او ستاينليکونه ورکړل شوه.
