کاپیسا؛ تګاب ولسوالۍ کې د ۲۰ ورزشکارانو ترمنځ د W.T.F تکواندو سیالۍ ترسره شوې
د کاپیسا ولایت د بدني روزنې او ورزش امریت اړوند د تکواندو ملي فدراسیون د استازولۍ له لوري د یاد ولایت په تګاب ولسوالۍ کې د ۲۰ ورزشکارانو ترمنځ د W.T.F تکواندو سیالۍ ترسره شوې.
دغه سیالۍ د تنکیو ځوانانو، نویو ځوانانو او د ځوانانو په عمري کټګوریو او په بېلا بېلو وزني کټګوریو کې ترسره شوې، چې په پایله کې ۱۰ تنو ورزشکارانو خپلو سیالانو ته ماتې ورکړه او بریاوې یې خپلې کړې.
د یادو سیالیو موخه د تکواندو ورزش ته وده ورکول او د روژې مبارکې میاشتې نمانځل و، چې یوه ورځ یې دوام وکړ.
د سیالیو په پای کې د ورزش مسوولینو له لوري غوره ورزشکارانو ته مډالونه او د اتلولۍ حکمونه ورکړل شول.
