کاپیسا؛ تګاب ولسوالۍ کې د نهو لوبډلو ترمنځ د فوټبال سیالۍ پای ته ورسېدې
د کاپیسا ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت په تګاب ولسوالۍ کې له ۲۰ کلونو د کم عمره ځوانانو نهو لوبډلو ترمنځ د فوټبال سیالۍ د شاهین مرکزی ب لوبډلې په اتلولي پای ته ورسېدې.
د یادو سیالیو پایلوبه کې شاهین مرکزي ب لوبډلې د ۲ پر یو ګول په توپیر خپلې سیالې کابل بانک لوبډلې ته ماتې ورکړه او اتلولي یې وګټله.
دا سیالۍ فوټبال ته د ودې ورکولو په موخه ترسره شوې، چې یوه میاشت یې دوام وکړ.
