کاپیسا؛ تګاب ولسوالۍ کې د اتو لوبډلو ترمنځ د والیبال سیالۍ پای ته ورسېدې
د کاپیسا ولایت د بدني روزنې او ورزش آمریت اړوند د والیبال فدراسیون د استازولۍ له لوري د یاد ولایت په تګاب ولسوالۍ کې د اتو لوبډلو ترمنځ د والیبال سیالۍ د ستاره صدام لوبډلې په اتلولي پای ته ورسېدې.
د یادو سیالیو پایلوبه کې ستاره صدام لوبډلې د ۳ پر صفر میدانونو په توپیر خپلې سیالې رحمان خېل اتلانو لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅولو په موخه ترسره شوې، چې درې ورځې یې دوام وکړ.
