کابل کې ۷۰ تنو لوبڅارانو او روزونکو ته په ووشو برخه کې د لوبڅارۍ او د روزنې سیمینار پيل شو
د المپیک کمېټې، بدني روزنې او ورزش عمومي ریاست اړوند د ووشو ملي فدراسیون له لوري په یاد ریاست کې له ۲۸ ولایتونو۷۰ تنو لوبڅارانو او روزونکو ته په ووشو برخه کې د لوبڅارۍ او د روزنې سیمینار پيل شو.
د دغه سیمینار پرانیستغونډه کې د ورزش ادارې فني او مسلکی مرستیال حافظ احمد جان ځدراڼ، د المپيکي چارو ریئس داد محمد پاینده اختري، د ووشو ملي ریئس بلبل شاه خالد او د ورزش ادارې زیات شمېر مسوولینو ګډون کړی وو.
دغه سیمینار د ووشو ملي فدراسیون د فني مرستیال احسان احمد کروخي له لوري وړاندې کیږي، چې ګډون کوونکو ته پکې د ساندا سیالیو د نوې لوبڅارۍ، فورم برخه کې د تالو زده کړې، د درجه بندۍ په سیستم او د نظري او عملي روزنې په موضوعاتو خبرې کیږي.
یاد سیمینار د روزونکو د ظرفیت لوړولو په موخه جوړ شوی دی، چې څلور ورځې به دوام وکړي.
