کابل کې د ۴۵ ورزشکارانو ترمنځ د ووشو ټاکنیزې سيالۍ پيل شوې
د المپيک، بدني روزنې او ورزش عمومي رياست اړوند د ووشو ملي فدراسيون له لوري د هېواد له مرکز او ولايتونو د ۴۵ ورزشکارانو ترمنځ د ووشو نړيوالو سياليو کې، چې د برازيل په هېواد کې به ترسره شي د غوره ورزشکارانو د موندلو په موخه د ووشو ټاکنیزې سيالۍ پيل شوې، چې يوه ورځ به دوام وکړي.
په دغو سياليو کې د ووشو ملي لوبډلې لويانو ورزشکارانو ګډون کړی دی، چې په پايله کې به ۵ غوره ورزشکاران د برازيل ووشو نړيوالو سياليو کې د ګډون په موخه وټاکل شي.
د يادو سياليو موخه د ووشو نړيوالو سياليو ته، چې دوې مياشتې وروسته به د برازيل په هېواد کې ترسره شي د غوره ورزشکارانو موندل دي.
