کابل کې د ۱۰۰ ورزشکارانو ترمنځ د ووشو سيالۍ پيل شوې
د المپيک، بدني روزنې او ورزش عمومي رياست اړوند د ووشو ملي فدراسیون له لوري او د افغان سرې مياشتې ټولنې په مالي ملاتړ د ياد رياست د ووشو په ورزشي جمنازيوم کې د ۱۰۰ ورزشکارانو ترمنځ د ووشو سيالۍ پيل شوې.
دغه سيالۍ به د ځوانانو او لويانو ورزشکارانو په عمري کټګوريو او د ۵۲ کيلو ګرام څخه تر ۸۰ کيلو ګرام پورې ترسره شي.
د يادو سياليو موخه د ځوانانو او د افغان سرې مياشتې رضاکارانو هڅول دي، چې دوې ورځې به دوام وکړي.
