کابل کې د نهو لوبډلو ترمنځ د کابل جام په نوم د والیبال دولسم پړاو سیالۍ پيل شوې
د المپيک، بدني روزنې او ورزش عمومي ریاست په ۲۵۰۰ کسېز جمنازیوم کې د والیبال ملي فدراسیون له لوري د نهو لوبډلو ترمنځ د کابل جام په نوم د والیبال دولسم پړاو سیالۍ پيل شوې.
د دغو سیالیو په لومړۍ لوبه کې د طلوع کلب لوبډلې خپلې سیالې کوه دامن لوبډلې ته د ۳/۰ میدانونو په توپير ماتې ورکړه او لومړۍ بریا یې خپله کړه.
د یادو سیالیو موخه د والیبال ورزش ته وده ورکول، د غوره لوبغاړو موندل او د والیبال غوره لیګ سیالیو ته چمتووالی نیول دي، چې پنځه ورځې به دوام وکړي.
