کابل کې د سل موټرسایکل او بايسکل ځغلونکو ترمنځ ورزشي نندارې وشوې
د المپیک، بدني روزنې او ورزش عمومي ریاست اړوند د موټرسایکل ځغلونې ملي فدراسیون له لوري د کابل ښار کابل نندارې سیمه کې د ۱۰۰ تنو موټرسایکل او بايسکل ځغلونکو ترمنځ په فري سټایل سبک کې د موټر سایکل او بایسکل ځغلولو ورزشي نندارې ترسره شوې.
په دغه ننداره کې د المپیک، بدني روزنې او ورزش عمومي ریاست فني او مسلکي معاون حافظ احمد جان ځدراڼ، د یاد فدراسيون رییس سید نبي الله سادات او د ورزش ګڼ شمېر مینوالو ګډون کړی وو.
دغد نندارې د روژې مبارکې میاشت ته د احترام او د کوچني اختر د را رسېدو په موخه وشوې.
په پای کې د موټر سايکل ځغلونې فدراسيون له لوري غوره لوبغاړو ته مډالونه او ستاینلکونه ورکړل شول.
