کابل کې د بدن ښکلا سيالۍ پيل شوې
په کابل کې د ٢١ ولايتونو ٣٧٣ ورزشکارانو په ګډون نن دوشنبې د چنګاش په ١٣ د بدني روزنې او ورزش عمومي ریاست په ٢٥٠٠ کسيز جمنازيوم کې د بدن ښکلا سيالۍ پيل شوې.
دغه سيالۍ چې د فزيکي سپورت، فزيکي اتلتيک او بدن ښکلا په سبکونو سره پيل شوې ١٥ ورځې به دوام وکړي.
په دغو سیالیو کې ګډون کوونکو ورزشکاران د دې پروګرام له ترسره کېدونکو څخه خوښې وښوده چې په سوله ييزه او امنيتي په فضا کې سره را ټول شوي او په ملي لوبډله کې د غړيتوب په موخه سره لوبيږي.
د يادو سياليو ترسره کېدو مسؤلين وايي؛ د دغو سياليو له ترسره کېدو يې موخه ملي لوبډلې ته د غوره څېرو ټاکل او په بهرنيو سياليوکې ګډون کول دي.
بايد وويل شي چې په دغو لوبغاړو کې د کابل ورزشکاران هم برخه لري.
