کابل ؛ چهار اسیاب ولسوالۍ د ۲۴ لوبډلو ترمنځ د فوټبال سیالۍ پیل شوې
د کابل د بدني روزنې او ورزش ریاست او د فوټبال ملي فدراسیون له لوري د یاد ولایت په چهار اسیاب ولسوالۍ کې د ۲۴ لوبډلو ترمنځ د فوټبال ګروپي سیالۍ د بګرامي فواد لوبډلې په بریا پیل شوې.
دغه سیالۍ، چې یوه میاشت به دوام وکړي، په لومړۍ لوبه کې د بګرامي فواد لوبډلې خپلې سیالې د پلازمینې اتلانو لوبډلې ته د ۲/۰ ګولونو په توپیر ماتې ورکړه او بریا یې خپله کړه.
د یادو سیالیو موخه یووالي ته د ځوانانو هڅوول او له نشه یي توکو لرېوالی دی.
