کابل؛ د هرات صرافانو لوبډلې د کندهار اتفاق خانزاده لوبډلې ته ماته ورکړه
د افغانستان فوټبال اتلانو ليګ پينځم پړاو ۲۸مه لوبه کې د هرات صرافانو لوبډلې د کندهار اتفاق خانزاده لوبډلې ته ۱ - صفر ګول په توپير ماتې ورکړه او په روان ليګ کې يې څلورمه بريا خپله کړه.
د دې سياليو ۲۷مه لوبه د سرخ پوشان خوافي او ارمان ايف سي ترمنځ ترسره شوه، چې په پايله کې سرخ پوشان لوبډلې وکولی شول خپلې سيالې ارمان ايف سي لوبډلې ته د ۱ ـ صفر ګول په توپير ماتې ورکړي او په روانو سياليو کې څلورمه بريا خپله کړي.
د افغانستان فوټبال اتلانو ليګ پينځم پړاو سيالۍ د ۱۰ غوره لوبډلو ترمنځ د هېواد ورزش ادارې په همکارۍ د فوټبال ملي فدراسیون له لوري د دې فدراسيون په مرکزي لوبغالي کې پيل شوې، چې ۱۳ ورځ پکې دوه لوبې ترسره کېږي.
