کابل؛ د استالف ورزشکارانو د ټولنې له لوري د فوټسال لومړی پړاو ټاکنیزې سیالۍ پيل شوې
تېره ورځ د استالف عالي لېسې په فوټسال ورزشي لوبغالي کې د فوټسال لومړی پړاو ټاکنیزې سیالۍ پيل شوې.
د دغو سیالیو لومړۍ لوبه کې عقابان دره لوبډلې سیالې اتفاق ب لوبډلې ته د ۱۲/۰ ګولونو په توپير او په دویمه لوبه کې استقلال خواجه حسن لوبډلې سیالې اتفاق استالف لوبډلې ته د ۷/۰ ګولونو په توپير ماتې ورکړه او لومړۍ بریاوې خپلې کړې.
د یادو سیالیو موخه د استالف ولسوالۍ منتخبه لوبډله جوړول دي، چې هره ورځ به دوې لوبې ترسره شي.
د یادونې وړ ده، چې دغه سیالۍ د استالف خیریه ګروپ په مالي ملاتړ ترسره کېږي او یوه اوونۍ به دوام وکړي.
