ځوست؛ غزا غونډۍ لوبډلې د ځاځي میدان ولسوالۍ د واليبال سياليو اتلولي وگټله
د خوست ولايت د بدني روزنې او ورزش امريت اړوند د واليبال فدراسيون د استازولۍ له لوري د ځاځي میدان ولسوالۍ په عباس خېلو کلي کې د ۲۴ لوبډلو ترمنځ د رمضان جام په نوم د واليبال سيالۍ د غزا غونډۍ لوبډلې په اتلولۍ پای ته ورسېدې.
د يادو سياليو پايلوبه د غزا غونډۍ او عباس خېلو لوبډلو ترمنځ ترسره شوه، چې په پايله کې غزا غونډۍ لوبډلې سيالې عباس خېلو لوبډلې ته ۱/۳ ميدان په توپير ماتې ورکړه او اتلولي يې خپله کړه.
دغه سيالۍ، چې يوه نيمه مياشت يې دوام وکړ، په پای کې اتلې لوبډلې ته يوه پسه او غوره لوبغاړو ته چمتو شوې ډالۍ ورکړل شوې.
