پکتیکا؛ یوسف خېل ولسوالۍ کې د ۳۲ لوبډلو ترمنځ د نيزه وهنې سيالۍ ترسره شوې
د پکتيکا ولايت د بدني روزنې او ورزش امريت اړوند د وزلوبې، نيزه وهنې او سيمه ييزو لوبو ملي فدراسیون د استازولۍ له لوري ياد ولایت په یوسف خیلو ولسوالۍ کې د ۳۲ لوبډلو ترمنځ د نيزه وهنې سيالۍ د یوسف خیل لوبډلې په اتلولي پای ته ورسېدې.
دغو سياليو په پايله کې یوسف خېل لوبډلې د ۱۴ انمرو په ترلاسه کولو سره لومړی او اتفاق لوبډلي د ۱۲ نمرو په تر لاسه کولوسره دویم مقام خپل کړ.
دا سیالۍ ملي او دودیزو لوبو ته د ودې ورکولو په موخه ترسره شوې، چې یوه ورځ یې دوام وکړ.
