پکتیکا؛ یوسف خېلو ولسوالۍ کې د ۵۸ لوبډلو ترمنځ د والیبال سیالۍ پای ته ورسېدې
د پکتیکا ولایت د بدني روزنې او ورزش امریت له لوري د یاد ولایت په یوسف خېلو ولسوالۍ کې د ۵۸ لوبډلو ترمنځ د والیبال سیالۍ د ابراهیم تکل لوبډلې په اتلولي پای ته ورسېدې.
د یادو سیالیو پایلوبه کې ابراهیم تکل لوبډلې د ۲ پر صفر میدانون په توپیر خپلې سیالې رحمت ځیرک لوبډلې ته ماتې ورکړه او اتلولي یې وګټله.
دا سیالۍ د لوی اختر په مناسبت ترسره شوې، چې ۲۷ ورځې یې دوام وکړ.
