پکتیکا؛ په یوسف خېل ولسوالۍ کې د ۲۵ لوبډلو ترمنځ د واليبال سيالۍ پيل شوې
د پکتيکا ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت د يوسف خېل ولسوالۍ په زمري کوټ سیمه کې د ۲۵ لوبډلو ترمنځ د واليبال سيالۍ د نظر خان لوبډلې په بريا سره پيل شوې.
د دغو سياليو په لومړۍ لوبه کې نظر خان لوبډلې خپلې سیالې عبدالوارث لوبډلې ته د ۲/۱ ميدانونو په توپير ماتې ورکړه او بريا يې خپله کړه.
د يادو سياليو موخه له نشه يې توکو څخه ليري والی او ورزش ته د ځوانانو هڅول دي، چې لس ورځې به دوام وکړي.
