پکتیکا؛ مرکز ښرنه کې د ۲۵ لوبډلو ترمنځ د فوتبال سیالۍ پای ته ورسیدې
د پکتیکا ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت مرکز ښرنه کې د ۲۵ لوبډلو ترمنځ د فوټبال سیالۍ دالیون سټار لوبډلې په اتلولي پای ته ورسېدې.
د دغو سیالیو په پایلوبه کې الیون سټار لوبډلې د ۳ پر ۲ ګولونو په توپیر خپلې سیالې سرې کلا لوبډلې ته ماتې ورکړه او اتلولي یې وګټله.
یادې سیالۍ د فوټبال لوبې ته د ودې ورکولو په موخه ترسره شوې، چې ۲۴ ورځې یې دوام وکړ او اتلې لوبډلې ته یو عراده موټر سایکل د ډالۍ په توګه ورکړل شو.
