پکتیکا؛ مرکز ښرنه مرکزي محبس کې د بندیانو ترمنځ د والیبال سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د والیبال فدراسیون د استازولۍ او مرکزي محبس د مسؤولانو له لوري په یاد محبس کې د درېیو (a,b,c) لوبډلو ترمنځ د والیبال سیالۍ د b لوبډلې په اتلولۍ پای ته ورسېدې.
دغه سیالۍ، چې د لیګ په شکل ترسره شوې، پایلوبه یې د a او b لوبډلو ترمنځ ترسره شوه، چې په پایله کې b لوبډلې خپلې سیالې لوبډلې ته د ۲/۱ میدانونو په توپیر ماتې ورکړه او بریا یې خپله کړه.
د یادو سیالیو موخه زندانیانو ته د سالمې فضا برابرول او ورزش ته هڅول ښودل شوې ده.
