پکتیکا؛ برمل ولسوالۍ کې د ١٣ لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په برمل ولسوالۍ کې د ١٣ لوبډلو ترمنځ د ټېپ بال کرېکټ سیالۍ د یوولس ستورو لوبډلې په اتلولي پای ته ورسېدې.
د یادو سیالیو پایلوبه د وزیرستان زلمي او یوولس ستورو لوبډلو ترمنځ ترسره شوه. د لوبې پچه يوولس ستورو لوبډلې وګټله او لومړی یې توپ وهنه وکړه، چې په ټاکلو لسو اورونو کې یې د شپږو ویکټو په زیان خپلې سیالې لوبډلې ته د ١١٨ منډو هدف وټاکه. وزیرستان زلمي لوبډلې د هدف په تعقیب کې د اتو ویکټو په زیان ١٠٧ منډې وکړې او د لسو منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې ١٦ ورځې یې دوام وکړ.
