پکتیکا؛ ارګون ولسوالۍ کې د ۲۶ لوبډلو ترمنځ د والیبال سیالۍ پای ته ورسېدې
د پکتیکا ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت په ارګون ولسوالۍ کې د ۲۶ لوبډلو ترمنځ د والیبال سیالۍ د شني ځدراڼ لوبډلې په اتلولي پای ته ورسېدې.
د یادو سیالیو پایلوبه د شني ځدراڼ او شاهین علي خېل لوبډلو ترمنځ ترسره شوه، چې په پایله کې یې شني ځدراڼ لوبډلې د ۲/۳ میدانونو په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې شپږ ورځې یې دوام وکړ.
