پکتیکا، ارګون ولسوالۍ کې د ۳۲ لوبډلو ترمنځ د فوټبال سیالۍ پیل شوې
د پکتیکا ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت ارګون ولسوالۍ کې د ۳۲ لوبډلو ترمنځ د فوټبال سیالۍ پیل شوې.
د دغو سیالیو په لومړۍ لوبه کې سوپر لوبډلې د ۳ پر صفر ګولونو په توپیر خپلې سیالې پښتی لوبډلې ته ماتې ورکړه او د سیالیو لومړۍ بریا یې خپله کړه.
دا سیالي د ځوانانو ترمنځ د یووالي په موخه پیل شوي دي، چې ۱۵ ورځې به دوام وکړي.
