پکتیا کې د لسو لوبډلو ترمنځ د فوټبال غوره ليگ پيل شو
د پکتيا ولايت د بدني روزنې او ورزش ریاست اړوند د فوټبال فدراسیون د استازولۍ له لوري د مرکز گردېز ښار په اتفاق لوبغالي کې د لسو لوبډلو ترمنځ د ۲۰۲۵ کال فوټبال غوره لیگ دوراني سیالۍ پيل شوې.
د يادو سیالیو لومړۍ لوبه د اتفاق او طلوع خورشید لوبډلو ترمنځ ۱/۱ مساوي پای ته ورسېده.
د ویلو وړ ده، چې دغه سيالۍ به شاوخوا دوې مياشتې دوام وکړي او اتله لوبډله به د زون په کچه د پکتیا ولایت استازولي وکړي.
