پکتیا کې د جوجیتسو رشتې ۲۵ تنو لوبغاړو ته کمربندونه وروتړل شول.
نن جمعه په پکتیا ولایت کې د جوجیتسو رشتې لوبغاړو ته د مختلفو خطونو کمربندونه وروتړل شول.
په همدې اړوند جوړو شویو مراسمو کې چې نن د پکتیا ولایت د جوجیتسو رشتې په سید احمد شیرزي کلب کې نیول شوي وو، د افغانستان د جوجیتسو فدراسیون مشر استاد محمد صابري، د پکتیا بدني روزنې او ورزش ریاست رئیس نور رحمن تسکین، د پکتیا بدني روزنې عمومي مدیر ګل کریم سحر، استادانو، ورزشکارانو او د ورزش ګڼ شمېر مینه والو برخه اخیستې وه.
د مراسمو په ترڅ کې د افغانستا د جوجیتسو فدراسیون مشر د جوجیتسو په ارزښت خبرې وکړې او جوجیتسو اهمیت یې ګډونوالو ته بیان کړ.
د پکتیا ولایت بدني روزنې او ورزش آمر نور رحمن تسکین په پکتیا ولایت د ورزشي فعالیتونو د ښه والي په اړه ډاډ ورکړ او ژمنه یې وکړه چې چې د ورزش د لاډیر پرمختګ لپاره به هڅه کوي.
د ورزشکارانو له ډلې دوه ورزشکارانو ته تور، درۍ ورزشکارانو ته سور، دوولس ورزشکارانو ته آبي، او پاتې ورزشکارانو ته د زیړکمربندونه کمربندونه وروتړل شول چې جمله پنځه ویشت کسان کیږي.
له کمربندونو تړلو څخه وروسته د دې رشتې څو تنه ورزشکارانو د یادې رشتې مختلف حرکتونه هم ترسره کړل.
