پکتیا ؛ د یتیمانو د ۸ لوبډلو ترمنځ د فوټبال سیالۍ پیل شوې
د پکتیا ولایت د بدني روزنې او ورزش ریاست او فوټبال فدراسیون په ګډه همغږۍ د امام ابوحنیفه دارالایتام مدرسې د شاګردانو د ۸ لوبډلو ترمنځ د فوټبال سیالۍ پیل شوې.
د دغو سیالیو د پیل لوبه د ذبیح الله او بلال لوبډلو ترمنځ وشوه، چې د ۳-۰ ګولونو په توپیر بلال لوبډلې وګټله.
یادې سیالۍ به ۱۶ ورځې دوام وکړي، چې موخه یې د یتیمانو لپاره د سالمې تفریح برابرول او ورزش ته د هغوی هڅول دي.
د یادولو ده چې دغه سیالۍ د مدرسو یتیمانو ته ځانګړې شوې دي.
