پکتیا؛ په څمکنۍ ولسوالۍ کې د ۳۵ لوبډلو ترمنځ د والیبال شپنۍ سیالۍ پیل شوې
د پکتیا ولایت د بدني روزنې او ورزش ریاست اړوند د والیبال ملي فدراسیون د استازولۍ له لورې د یاد ولایت په څمکنۍ ولسوالۍ کې د ۳۵ لوبډلو تر منځ د والیبال شپنۍ سیالۍ د راغه کلي لوبډلې په بریا سره پیل شوې.
د دغو سياليو په لومړۍ لوبه کې د راغه کلي لوبډلې خپلې سیالې سيدکرم لوبډلې ته د ۳/۱ ميدانونو په توپير سره ماتې ورکړه او بريايې وګټله.
دا سیالۍ د سیمې د خلکو لپاره د سالمې تفرېح برابرولو په موخه پیل شوې دي، چې ۲۰ ورځې به دوام وکړي.
