پکتیا؛ مرکز ګردېز ښار کې د ۲۰ ورزشکارانو ترمنځ د سکېټ سیالۍ ترسره شوې
د پکتیا ولایت د بدني روزنې او ورزش ریاست اړوند د سکېټ فدراسیون د استازولۍ له لوري د یاد ولایت مرکز ګردېز ښار کې د ۲۰ ورزشکارانو ترمنځ د سکېټ دوستانه سیالۍ ترسره شوې.
دا سیالۍ د لویانو په عمري کټګوریو کې ترسره شوې، چې په پایله کې یې رحمت الله لومړی، ګل ولي دویم او مشتاق درېیم مقام ترلاسه کړ.
دا سیالۍ د سکېټ ورزش ته د ودې ورکولو په موخه ترسره شوې، چې یوه ورځ یې دوام وکړ او په پای کې غوره ورزشکارانو ته مډالونه او ستاینلیکونه ورکړل شول.
