پکتیا؛ مرکز ګردېز ښار کې د ۱۸ لوبډلو ترمنځ د فوټسال رمضان جام سیالۍ پای ته ورسېدې
د پکتیا ولایت د بدني روزنې او ورزش ریاست اړوند د فوټبال فدراسیون د استازولۍ له لوري د یاد ولایت مرکز ګردېز ښار کې د ۱۸ لوبډلو ترمنځ د رمضان جام فوټسال سیالۍ د اتحاد لوبډلې په اتلولي پای ته ورسېدې.
د دغو سیالیو پایلوبه کې د اتحاد لوبډلې د ۲/۱ ګولونو په توپیر خپلې سیالې شکست لوبډلې ته ماتې ورکړه او اتلولي یې خپله کړه.
دا سیالۍ ورزش ته د ځوانانو د هڅولو په موخه ترسره شوې، چې شل ورځې یې دوام وکړ.
