پکتيکا کې د ۳۰ لوبډلو ترمنځ د فوټبال سيالۍ د شېخانو لوبډلې په اتلولۍ پای ته ورسېدې
د پکتيکا ولايت د بدني روزنې او ورزش امريت اړوند د فوټبال فدراسيون د استازولۍ له لوري د ارگون ولسوالۍ په پيرکوتي سيمه کې د ۳۰ لوبډلو ترمنځ په ليرې پرتو سيمو کې ورزش ته د ودې ورکولو په موخه د فوټبال سيالۍ د شېخانو لوبډلې په اتلولۍ پای ته ورسېدې.
دغه سیالۍ چې ۲۰ ورځې يې دوام وکړ، پايلوبه يې د شېخانو او ش.ه.ي.د ذوالفقار لوبډلو ترمنځ ترسره شوه، چې په ټاکلي وخت سيالۍ ۱/۱ مساوي پای ته ورسیده، خو په پنالټيانو کې شېخانو لوبډلې خپلې سيالې لوبډلې ته د ۳ پر ۲ گولونو په توپير ماتې ورکړه او اتلولي يې خپله کړه.
