پکتيکا؛ محمد گل لوبډلې د اختريز جام په نوم د واليبال سياليو اتلولي وگټله
د پکتيکا ولايت د بدني روزنې او ورزش امريت اړوند د واليبال فدراسيون د استازولۍ له لوري د اورگون ولسوالۍ په علي خېلو کلي کې د ۱۲ لوبډلو ترمنځ د اختريز جام په نوم د واليبال سيالۍ د محمد گل لوبډلې په اتلولۍ پای ته ورسېدې.
د دغو سياليو په پايلوبه کې محمد گل لوبډلې سيالې صبور لوبډلې ته ۱/۳ ميدان په توپير ماتې ورکړه او اتلولي يې خپله کړه.
د دغو سياليو د ترسره کېدو موخه ورزش ته د ځوانانو هڅول او ترمنځ يې سالمه تفريح ياده شوې وه، چې يوه اوونۍ يې دوام وکړ.
