پکتيا کې د ۲۶ ورزشکارانو ترمنځ د يوني فايټ سبک دوستانه سيالۍ ترسره شوې
د پکتيا ولايت د بدني روزنې او ورزش رياست اړوند د رزمي لوبو فدراسيون د استازولۍ له لوري د ياد ولايت په مرکز گردېز ښار کې د ۲۶ ورزشکارانو ترمنځ د رزمي لوبو "يوني فايټ" سبک دوستانه سيالۍ ترسره شوې.
دغه سیالۍ چې يوه ورځ يې دوام وکړ، په پايله کې ۱۳ ورزشکارانو خپلو سيالانو ته په ماتې ورکولو سره برياوې خپلې کړې.
د يادولو وړ ده، چې د دغو سياليو د ترسره کېدو موخه د رزمي لوبو "يوني فايټ" سبک ته وده ورکول و او په پای کې غوره ورزشکارانو ته مډالونه او ستاينليکونه ورکړل شول.
