پکتيا کې د ۱۲ الف لوبډلو ترمنځ د فوټبال غوراوي سيالۍ پيل شوې
د پکتيا ولايت د بدني روزنې او ورزش رياست اړوند د فوټبال فدراسيون د استازولۍ له لوري د گردېز ښار په مرکزي لوبغالي کې د ۱۲ الف لوبډلو ترمنځ د ۱۴۰۳ کال فوټبال ليگ لپاره د دوو غوره لوبډلو ټاکلو په موخه د فوټبال غوراوي سيالۍ پيل شوې.
دغه سیالۍ، چې شاوخوا ۲۴ ورځې به دوام وکړي، لومړنۍ لوبه يې د ځوانانو او طلوع لوبډلو ترمنځ ترسره شوه، چې په پايله کې ۰/۰ مساوي پای ته ورسېده.
