پکتيا؛ روحاني بابا ولسوالۍ کې د ۳۹ ورزش کارانو ترمنځ د تيږې اچونې سېالۍ ترسره شوې
د پکتیا ولایت د بدني روزنې او ورزش ریاست اړوند د ملي او دودیزو لوبو د مدیریت له لوري د یاد ولایت په روحاني بابا ولسوالۍ کې د ۳۹ ورزش کارانو ترمنځ د تیږې اچونې دودیزې سیالۍ ترسره شوې.
یادې سیالۍ ملي او دودیزو لوبو ته د ودې په موخه ترسره شوې چې په پایله کې یې قاسم شاه لومړی، شاهین دویم او قاري اسدالله درېیم مقام ترلاسه کړ.
د یادونې وړ ده، چې د سیالیو په پای کې غوره ورزش کارانو ته ځانګړې ډالۍ ورکړل شوې.
