په کابل کې د سوک وهنې سیالۍ پای ته ورسېدې
دغه سيالۍ چې څو ورځې وړاندې د سوک وهنې فدراسيون په ذال کې پيل شوې وې، نن د لړم په ۱۵ دغوره سوک وهنکو په پېژندلو سره پای ته ورسېدې.
د بدني روزنې او سپورت عمومي ریاست او د المپیک ملي کمېټې سرپرست انجنیر نظرمحمد مطمین له د دغو سیالیو په پای مراسمو کې ګډون وکړ او ورزشکارانو ته یې مډالونه او ستاینلیکونه ورکړل.
په دغو سیالیو کې د کابل ښار څخه ۸۰ کلپونو او کابل په ګډون د غزني، ننګرهار، نورستان او کنړ ولایتونو څخه ۱۸۰ ورزشکارانو د تنکیو ځوانانو په کټګورۍ کې او په۱۳ وزنی کټګوریو (+۴۸ څخه تر +۸۱ کیلو ګرامه) کې د کابل د منتخبې لوبډلې لپاره سیالۍ وکړې.
د يادونې وړ ده، چې په پای کې د ځوانانو منتخبې لوبډلې ته ۲۶ غوره څېرې وپېژندل شوې .
