په پلازمېنه کابل کې د ٨ لوبډلو ترمنځ د رګبي پسرلنۍ سيالۍ ترسره شوې
د بدني روزنې او سپورټ عمومي ریاست په غازي ورزشي سټډيوم کې د اتو لوبډلو ترمنځ نن چهارشنبه د رګبي پسرلنۍ سيالۍ د امير الدين جېمز، مجيد مال او B.M.Gګروپ په مالي لګښت ترسره شوې.
د دغو سياليو د پيل په مراسمو کې د المپيک ملي کمېټې او سپورټ عمومي رياست رئيس انجنير نظرمحمد مطمئن، د بدني روزنې او ورزش عمومي ریاست فني او مسلکي مرستيال حافظ احمد جان ځدراڼ، د پلان او پاليسي رئيس محمدحنيف حنيفي، د نشراتو رئیس الله محمد اتل مشواڼي، د سياليو دايرولو امر عزيز الرحمن ملنګ، د مشورتي بورډ غړو وحيدالله سائل، سيد مبشر اغا، استاد لعل محمد سيار، د رګبي فدراسیون مسوول ضياء الرحمن ضياء او ورزشکارانو ګډون کړی و.
په دغو سياليو کې د اريانا، خراسان، غلام حيدر خان، افغان کينګ مموزي، ګربت بازان، افغان ايګل او عقابان لوبډلو ګډون درلود او له يو بل سره يې سيالۍ وکړې.
له يادو لوبډلو څخه څلور هغو اريانا، خراسان، غلام حيدر خان او افغان کېنګ نيمه پايلوبې ته لار وموندله؛ خو د باران د ورښت له امله نيمه پايلوبې او پايلوبه ترسره نه شوه.
ټاکل شوې د رګبي د دغو يو ورځنيو سياليو پايلوبه به له روژې مبارکې مياشتې وروسته ترسره او ګټونکې لوبډله به يې معلومه شي.
