په هرات کې د وزلوبې سيالۍ پيل شوې
د هرات ولايت په گازرګاه دښته کې د وزلوبې سيالۍ پيل شوې.
د يادو سيالو د پيل په مراسمو کې د بدني روزنې او ورزش رياست معاون مولوي محمود مشفق سربېره لسګونو خلکو ګډون کړی و.
مولوي شفيق د يادو لوبو موخه د وزلوبې سياليو د پهلوانانو د ظرفيت لوړول ياد کړل او زياته يې کړه: د اونيزو سياليو د چمتوالي موخه د ملي لوبو لپاره د هرات ولايت په کچه د ملي لوبډلې جوړول دي، ترڅو په ملي لوبو کې د هرات ولايت سمه استازولي وکړای شي.
هېره دې نه وي چې د وزلوبې يادې سيالۍ به هره جمعه په ياده دښته کې ترسره کېږي.
